Charter Document - 03380086
| Charter Number: | 03380086 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1268 |
| Date type: | Internal, A.D., Feast |
| Resource Link(s): |
|
Charter:
Reverentissimo domino et illustri principi Henrico dei gratia regi Anglie domino Hybernie duci Acquitannie Petrus miseratione divina Herefordensis ecclesie minister humilis salutem et debitum honorem cum fidelitate Sciat dominacio vestra reverenda quod nos magistrum Robertum de Stok clericum nostre dioc pro manifesta offensa excommunicavimus iuris ordine observato qui in excommunicatione ipsa per quadraginta dies stetit et amplius innodatus claves ecclesie contempnendo Et cum ecclesia non habeat ultra quid faciat vestre dominacioni reverende supplicamus quatinus illud quod ad vestram pertinet dignitatem contra eundem clericum tanquam in malo obstinatum exequi si placet dignemini In statu prospero perseveret regia vestra potestas per tempora longa Datum apud Sugguas die dominice proxima ante festum beati Dionysii anno domini MCCLX octavo