Charter Document - 03380085
| Charter Number: | 03380085 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1263 |
| Date type: | Internal, A.D., Feast |
| Resource Link(s): |
|
Charter:
Excellentissimo principi domino Henrico dei gratia illustri regi Anglie domino Hybernie et Duci Aquitannie Petrus eadem gratia Herefordensis ecclesie minister humilis salutem et devotum tanto principi ac domino famulatum Cum Robertus le Honte de la Beree auctoritate nostra ordinaria ob suam manifestam contumaciam pariter et offensam sententia excommunicationis innodatus in ea per quadraginta dies et amplius sordere non formidaverit ecclesie claves contumaciter contempnendo nec habeat ecclesia quid ultra faciat regie magestati vestre supplicamus quatinus ad reprimendam excommunicati obstinacionem induratam quod vestrum est in hac parte exequi dignemini ut quem timor dei a malo non revocat saltem pena temporalis cohibeat a peccato Valeat excellentia vestra semper in domino Datum apud Sugwas die Veneris in septimana Pasche anno domini MCCLX tercio