Charter Document - 03380084
| Charter Number: | 03380084 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1263 |
| Date type: | Internal, A.D., Feast |
| Resource Link(s): |
|
Charter:
Excellentissimo domino suo H dei gratia regi Angl illustri etiam domino Ybernie et duci Acquitanie P dei gratia Hereford ecclesie minister humilis salutem et debitos ad vota successus Noverit dominatio vestra quod Walterus de Hunteleya miles qui propter suam manifestam contumaciam pariter et offensam auctoritate nostra vinculo excommunicationis est innodatus per quadraginta dies et amplius in eadem pertinaciter perseverans incorrigibilis existit Eapropter dominacionem vestram devote requirimus et rogamus quatinus cum sacrosancta ecclesia non habeat quid ultra faciat in hoc casu iuxta consuetudinem regni vestri quod vestrum est in hac parte facere dignemini Valeat dominatio vestra per tempora longissima Dat in crastino beati Vincentii martyris anno domini MCC sexagesimo secundo