Charter Document - 03380082
| Charter Number: | 03380082 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1262 |
| Date type: | Internal, A.D., Feast |
| Resource Link(s): |
|
Charter:
Excellentissimo principi domino Henrico dei gratia illustri regi Anglie domino Hybernie et Duci Aquitannie Petrus eadem gratia Herefordensis ecclesie minister humilis salutem et tanto principi famulatum Cum Hugo de Boles et Symon cementarius nostre dyoecesis ob manifestam suam contumaciam pariter et offensam auctoritate ordinaria vinculo excommunicationis innodati in ea per xl dies et amplius sordere non formidaverunt ecclesie claves contumaciter contempnendo nec habeat ecclesia ultra quid faciat regie majestati vestre supplicamus quatinus quod vestrum est exequi dignemini in hac parte ut quos timor dei a malo non revocat saltim pena temporalis cohibeat a peccato Valeat excellentia vestra semper in domino Datum in crastino Animarum apud Boseb anno domini MCCLX secundo