Charter Document - 03380079
| Charter Number: | 03380079 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1262 |
| Date type: | Internal, A.D., Feast |
| Resource Link(s): |
|
Charter:
Excellentissimo principi domino Henrico dei gratia illustri regi Anglie domino Hybernie et duci Aquitannie Petrus miseratione divina Herefordensis ecclesie minister humilis salutem et debitam ac devotam tanto principi reverenciam et honorem Quia Willelmus de Pucelitona clericus nostre dioecesis pro manifesta sua contumacia pariter et offensa per nos auctoritate ordinaria vinculo excommunicationis innodatus quam in anime sue preiudicium et ecclesie scandalum per quadraginta dies et amplius animo sustinuit indurato et ecclesia non habeat ultra quid faciat regie vestre maiestati humiliter supplicamus pariter et devote quatinus quod vestrum est exsequi dignemini in hac parte ut quem timor dei a malo non revocat saltim pena temporalis cohibeat a peccato Datum in octavus ascensionis domini anno gratie MCCLX secundo