Charter Document - 03380078
| Charter Number: | 03380078 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1262 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi domino Henrico dei gratia illustri regi Anglie domino Hybernie et Duci Aquitannie Petrus miseratione divina Herefordensis ecclesie minister humilis salutem et tam debitum quam devotum tanto domino famulatum Cum Robertus de la Bere ob manifestam et multiplicatam contumaciam suam sententia excommunicationis auctoritate ordinaria innodatus in ea per quadraginta dies et amplius sordere non formidavit pertinaciter adhuc animo sustineat indurato nec habeat ecclesia ultra quid faciat regie maiestati vestre humiliter supplicamus quatinus quod vestrum est in hac parte exequi dignemini ut quem timor dei a malo non revocat saltim pena temporalis cohibeat a peccato Valeat excellentia vestra semper in domino Datum anno domini MCC sexagesimo secundo mense maii