Charter Document - 03380077
| Charter Number: | 03380077 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1262 |
| Date type: | Internal, A.D., Feast |
| Resource Link(s): |
|
Charter:
Excellentissimo principi domino Henrico dei gratia illustri regi Anglie domino Hybernie et duci Aquitannie Petrus eiusdem gratia Herefordensis ecclesie minister humilis salutem et debitum ac devotum tanto principi famulatum Quia Walterius Moniword et Iohannes Foliot cives Hereford per nos auctoritate ordinaria pro manifesta sua contumacia pariter et offensa per quadraginta dies et amplius vinculo excommunicationis fuerunt innodati quam in anime sue preiudicium et ecclesie scandalum adhuc animo sustinent indurato et ecclesia non habeat ultra quid faciat regie vestre maiestati humiliter supplicamus pariter et devote quatinus quod vestrum est exequi dignemini in hac parte ut quos timor dei a malo non revocat saltim poena temporalis cohibeat a peccato Datum die dominica proxima post festum beati Valentini anno domini MCC sexagesimo primo