Charter Document - 03380074
| Charter Number: | 03380074 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1261 |
| Date type: | Assigned |
| Resource Link(s): |
|
Charter:
Excellentissimo principi domino Henrico dei gratia illustri regi Anglie domino Hybernie et duci Aquitannie Petrus miseratione divina Herefordensis ecclesie minister humilis salutem et devotum tanto principi cum omni reverentia et honore famulatum Qualiter terra nostra de Ledebyrnort frequentato Walensium incursu fecerit depredata et incendio wastata constabulario de Monte Gomeri eisdem favente et assensum prebente pluries vobis mem inivimus fuisse conquesti Verum quod hac die dominica proxima post festum sancte Trinitatis proximum preteritum iidem Walenses de Kyri eandem terram nostram incursu malino et consueto invadentes illud modicum quod prius remanserat funditus depredabant et post treugas incendio devastabant dicto constabulario consenciente seu quadam ficticia conniventia dissimulante Regie vestre maiestatis pedibus provoluti devote supplicamus quatinus talem constabularium ibidem velitis ordinare qui pacem et tranquillitatem vestram et vestrorum velit fovere et ipsorum Walensium protervitatis viriliter resistere et ipsorum insultibus fideliter obviare procul dubio scituri quod quamdiu constabularius qui modo est ibidem remanserit pacem in terra nostra habere non poterimus Valeat regia dignitas vestra per tempora longiora