Charter Document - 03380073

Excellentissimo domino suo Henrico dei gratia regi Anglie illustri domino Hibernie et duci Acquitannie Petrus miseratione divina Herefordensis ecclesie minister humilis salutem et prosperos ad vota successus Noverit excellentia vestra quod Emericus canonicus Hereford in ecclesia de Lindrug nostre dioc canonice institutus per laicam vim ab eadem violenter est eiectus et licet per vos fuisset alias vicecomiti Wigorn preceptum quod vim laicam de eadem amoveret et dictum Emericum rectorem eiusdem ecclesie defenderet in eadem idem ut rector propter vim laicam eiusdem ecclesie possessionem minime potest assequi cum effectu Ea propter dominationem vestram devote requirimus et rogamus quatinus ut idem vicecomes dictam vim laicam amoveat et Emericum antedictum protegat in eadem iterato precipere dignemini Valeat dominatio vestra per tempora longiora Datum die Dominica proxima post festum Apostolorum Petri et Pauli anno domini MCC sexagesimo primo