Charter Document - 03380070
| Charter Number: | 03380070 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1261 |
| Date type: | Internal, A.D., Feast |
| Resource Link(s): |
|
Charter:
Excellentissimo principi domino Henrico dei gratia illustri Regi Anglie Domino Hybernie et Duci Aquitannie Petrus eadem gratia Herefordensis ecclesie minister humilis salutem et debitum ac devotum tanto principi famulatum Quia Hendy de Linerigge et Willelmus Thorel dominus de Brunhope nostre dyoc pro manifesta contumacia sua pariter et offensa per quadraginta dies et amplius auctoritate ordinaria vinculo excommunicationis fuerunt innodati quam adhuc in anime sue preiudicium et ecclesie scandalum animo sustinent indurato et ecclesia non habeat ultra quod faciat regie vestre maiestati humiliter supplico pariter et devote quatinus quod vestrum est exequi dignemini in hac parte ut quos timor dei a malo non revocat saltim pena temporalis cohibeat a peccato Datum in crastino purificationis beate virginis anno domini MCC sexagesimo