Charter Document - 03380069
| Charter Number: | 03380069 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1260 |
| Date type: | Internal, A.D., Feast |
| Resource Link(s): |
|
Charter:
Excellentissimo domino suo domino Henrico dei gratia Regi Anglie Illustri Domino Hybernie et Duci Aquitannie Petro miseratione divina Herefordensis ecclesie minister humilis salutem debitum et devotum tanto principi famulatum Noverit excellentissima Dominatio vestra nos Emericum clericum Hereford ecclesie canonicum in ecclesia de Linderug nostre dioc canonice rectorem instituisse et ipsum in eiusdem ecclesie possessionem corporalem induxisse et quod per virum laicum est eiectus Dominationi vestre devotissime supplicamus quatinus eandem virum ab eadem ecclesia amoveri et dictum Emericum in ea manu teneri precipere dignemini Valeat dominatio vestra per tempora longiora Datum die beati Clementis Anno Domini MCC sexagesimo