Charter Document - 03380064
| Charter Number: | 03380064 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1253 |
| Date type: | Internal, A.D., Feast |
| Resource Link(s): |
|
Charter:
Excellentissimo domino ac benefactori precipuo Henrico dei gratia illustri regi Anglie domino Hibernie Duci Normannie Aquitannie et comiti Andegavie Petrus eiusdem miseratione Herefordensis minister humilis cum omni reverentia et honore salutem in domino sempiternam Vestra noverit illustris dominatio quod Philippus de Bruseban et Willelmus Tirry nostre dioecesis per xl dies et amplius auctoritate dei et nostra ordinaria claves ecclesie contempnendo ob suam multiplicatam contumaciam sententia excommunicationis steterunt innodati Unde cum ecclesia nichil habeat quid ultra faciat ad convincendam dictorum excommunicatorum malitiam brachium vestrum seculare innotare compellimur dilecte dominationi vestre supplicantes devote quatinus ut eorundem contumacia debito modo refrenetur ballivis vestris de Monte Gomery quod vestrum est ulterius circa eorumdem captionem demandare velitis Valeat illustris dominatio vestra semper in domino In cuius rei testimonium has literas nostras dilecte dominationi vestre transmittimus patentes Datum in crastino beate Marie Magdalene anno domini MCCL tertio