Charter Document - 03380049
| Charter Number: | 03380049 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1245 |
| Date type: | Internal, A.D., Feast |
| Resource Link(s): |
|
Charter:
P miseratione divina Herefordensis ecclesie minister humilis viris religiosis et in Cristo karissimis abbati et conventui de Dora Herefordensis diocesis eternam in domino salutem Ex relatione fratris Iohannis de Wigorn de ordine fratrum minorum nuper litteratorie didicimus quod per manum eiusdem fratris et bone memorie St quondam decani Herefordensis quandam pecunie summam de redemptione votorum crucesignatorum nostre diocesis penes vos depositam habeatis Hinc est quod vobis mandantes nos rogamus quod dictam pecunie summam per Petrum de Fabricis clericum nostrum nobis transmittere nullatenus obmittatis Super quantitate quidem pecunie quam eidem Petro solvetis retineatis suas litteras patentes suo sigillo sigillatas in testimonium veritatis In cuius rei testimonium vobis transmisimus litteras nostras patentes sigillo nostro munimine roboratas quas similiter retineatis si quam solutionem feceritis dicte pecunie alioquin reddetis eidem litteras presentes Datum in vigilia beati Iohannis Baptiste anno domini millesimo CCXL quinto