Charter Document - 03380048

Universis presentes litteras visuris et audituris Petrus miseratione divina Herefordensis ecclesie minister humilis salutem in domino Volumus et garantamus quod si aliquis implacitet nos vel successores nostros quod deus avertat super rebus quas emimus a priore et fratribus de Crasseualle in manerio de Hamme Lacy dictus prior vel fratres de Crasseualle et de ordine Grandimontensi non teneantur nos aut successores nostros defendere et garentisare ultra summam quingentarum quinquaginta marcarum quas a nobis receperunt pro rebus supradictis Intelligimus enim quod prior et fratres dicti vel ordo Grandimontensis non teneantur nos aut successores nostros defendere et garentisare ultra supradictam summam si contingat nos aut quoscumque alios nomine nostro implacitari super dictis possessionibus ab aliquibus qui de ordine Grandimontensi non essent vel qui nomine ipsorum non agerent aut pro ipsis In cuius rei testimonium has litteras patentes fieri fecimus et sigilli nostri munimine roborari Datum apud Uasam in crastinum beate Agathe martiris anno domini MCCLVI