Charter Document - 03380046
| Charter Number: | 03380046 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1253 |
| Date type: | Internal, A.D., Calendar |
| Resource Link(s): |
|
Charter:
Universis Cristi fidelibus presentes litteras inspecturis P miseratione divina Hereford ecclesie minister humilis salutem in domino sempiternam Noverit universitas vestra quod cum coram nobis auctoritate ordinaria cognoscentibus inter abbatem et conventum de Cormel per fratrem Simonem ballivum de Newent procuratorem eorum generalem in Anglia comparentes ex parte una et abbatem et conventum de Flexl per W abbatem sufficienter comparentes ex altera super decimis provenientibus de terris quas Robertus Hwdenot Hugo Haterich tenuerunt in villa de Dimmoch lis mota fuisset tandem hac amicabili compositione conquievit videlicet quod dicti abbas et conventus de Flexleya percipient integre omnes decimas provenientes de assartis que propriis manibus excolunt secundum tenorem compositionis cuiusdam tempore bone memorie Egidii quondam Hereford episcopi inter dictas partes inite et ut illa compositio perpetue firmitatis robur optineat dederunt dicti abbas et conventus de Flexl dicto abbati et conventui de Cormel quatuor acras terre sitas in campo qui vocatur Lullesfeld et si contingat dictos abbatem et conventum de Cormel dictam compositionem infringere licitum sit abbati et conventui de Flexl possessionem dictarum quatuor acrarum sine difficultate ingredi et in perpetuum retinere Nos autem hec omnia approbantes ea sigilli nostri impressione confirmavimus salvo in omnibus iure diocesani Datum Prestbur anno domini MCCL tertio mense augusti