Charter Document - 03380045
| Charter Number: | 03380045 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1247 |
| Date type: | Internal, A.D., Feast |
| Resource Link(s): |
|
Charter:
Omnibus Cristi fidelibus presentes literas inspecturis P miseratione divina Herefordensis ecclesie minister humilis salutem in domino Notum sit vobis nos de assensu et voluntate abbatis et conventus Cormeliarum ex parte una et Willelmi de Tedinton perpetui vicarii ecclesie de Dimmoch ex altera taxasse et ordinasse perpetuam vicariam dicte ecclesie de Dimmoc ad valentiam quatuordecim marcarum in rebus subsequentibus in hunc modum videlicet quod vicarius predictus et qui pro tempore fuerit habebit et percipiet omnes oblationes et obventiones altaris et omnes minutas decimas ad dictam ecclesiam pertinentes exceptis decimis garbarum de ortis et totius dominici predictorum abbatis et conventus et exceptis decimis feni dominici domini regis et feni de Ketiford et de Lindruge et de Ruton et feni domini Godefridi de Gamages et feni de Hockamton preter decimam prati Iohannis de Wilton quam dictus vicarius habebit et excepto primo legato totius parrochie supradicte que omnia predicti abbas et conventus singulis annis perpetuo percipient plenarie et habebunt Predictus autem vicarius et qui succedet ei in vicaria predicta solvet annuatim archidiacono procurationem dicte ecclesie quam dicti abbas et conventus eidem solvere tenebantur sicut in instrumento inde confecto fuerat ordinatum et solvet sinodalia ac dictam ecclesiam serviet et faciet deserviri [] onera omnia dicte ecclesie pro rata sue portionis excepta procuratione episcopi sustinebit Et ut hec nostra taxatio et ordinatio in perpetuum firma permaneat presentes litteras sigilli nostri munimine duximus roborandas Dat Ledebur in vigilia beate Trinitatis anno domini MCCXLVII