Charter Document - 03380044
| Charter Number: | 03380044 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1247 |
| Date type: | Internal, A.D., Feast |
| Resource Link(s): |
|
Charter:
Omnibus Cristi fidelibus presentes litteras inspecturis Petrus miseratione divina Hereford ecclesie minister humilis salutem in domino Notum sit vobis nos de assensu et voluntate abbatis et conventus Cormel ex parte una et Roberti perpetui vicarii ecclesie de Newent ex altera taxasse et ordinasse perpetuam vicariam dicte ecclesie de Newent ad valentiam quatuordecim marcarum in rebus subsequentibus in hunc modum vicelicet quod vicarius predictus et qui pro tempore fuerit habebit pratum quod est iuxta pratum Willelmi Wallensis Item habebit et percipiet unam quadrigatam feni de decima prati Roberti de Stanlinge Percipiet etiam omnes oblationes et obventiones altaris et omnes minutas decimas ad dictam ecclesiam pertinentes exceptis decimis garbarum de ortis cuiuscumque generis bladi sint et exceptis minutis decimis totius dominici predictorum abbatis et conventus et exceptis omnibus aliis decimis feni ac primo legato totius parrochie supradicte et exceptis oblationibus et obventionibus festivitatis Purificationis beate Marie virginis et beati Blasii que omnia predicti abbas et conventus singulis annis perpetuo plenarie percipient et habebunt Predictus autem vicarius et qui succedet ei in vicaria predicta solvet annuatim archidiacono procurationem dicte ecclesie quam dicti abbas et conventus eidem solvere tenebantur sicut in instrumento inde confecto fuerat ordinatum et solvet sinodalia ac dictam ecclesiam serviet et faciet deserviri suis sumptibus ydonee et honeste [] omnia onera dicte ecclesie pro rata sue portionis excepta procuratione episcopi sustinebit Et ut hec nostra taxatio et ordinatio in perpetuum stabilis et firma permaneat presentes literas sigilli nostri munimine duximus roborandas Dat Ledebur in vigilia beate Trinitatis anno domini MCCXLVII