Charter Document - 03380037

Universis Cristi fidelibus presentes litteras inspecturis vel eciam audituris Petrus miseratione divina Hereford ecclesie minister humilis salutem in domino sempiternam Noverit universitas vestra nos pro anime nostre et predecessorum successorumque nostrorum remedio priori et fratribus Grandemonensis ordinis divine pietatis intuitu de concensu et voluntate decani et capituli Hereford ecclesie dedisse et concessisse ecclesiam de Alberbur nostre dioc cum omnibus pertinentiis suis cedentibus vel decedentibus personis que in eadem ecclesia certas et divisas nunc optinent portiones in usus proprios convertendam et quiete et pacifice in perpetuum possidendam et iam dicti fratres Grandemon apud Alberbur commorantes unam de quatuor portionibus que antea erant in ipsa ecclesia canonice sunt adepti tribus aliis portionariis suas adhuc in memorata ecclesia detinentibus portiones Quorum unus Gichardus nomine clericus Lugdon dioc in predicta ecclesia de Alberbur quandam detinens portionem attendens diligentem curam et sollicitudinem quam ipsi fratres Grandemon circa divinum gerunt officium et exercent attendens etiam quod prenominati fratres cultum divinum augerent in ipsa ecclesia et maiorem fructum deo redderent de portione suam quam faceret ipse solus nobis humiliter supplicavit quod de portione ipsum in prefata ecclesia contingentem statueremus ordinaremus prout melius viderimus secundum deum et iusticiam ordinandum Tandem frater Randulfus corrector fratrum de Alberbur ordinis Grandemon de expresso consensu fratrum suorum et fratris Hugonis correctoris fratrum de Craswell eiusdem ordinis et prenominatus Gichardus dericus se ordinationi nostre voluntate spontanea subiecerunt promittentes bona fide prestito nichilominus super sancta dei evangelia corporaliter iuramento tenere et inviolabiliter observare quicquid inter ipsos de portione predicta statueremus ordinaremus in scriptis vel sine scriptis iuris solempnitate servata vel non servata Promiserunt etenim dicti fratres sub religione prestiti iuramenti se staturos et curaturos et impetraturos quod prior domus Grandemon Lemoviensis dioc maior eorum et conventus eiusdem loci ratam et gratam habebunt ordinationem quam super premissis inter predictos faciemus et ipsam inviolabiliter inperpetuum observabunt Nos vero divini cultus augmentum cordis desiderio affectantes et cupiens disparitatem habitus de iam dicta ecclesia de Alberbur quam cito poterimus amputare attendemus etiam quod cultus disparitas si homines diverse professionis in diverso habitu in eadem deo famularentur ecclesiam posset populo deo scandalum generare communicato peritorum consilio in favorem religionis ordinis Grandemon statuimus et ordinamus quod sepedictus Gichardus sponte et libere iuri quod habet in sepe dicta ecclesia de Alberbur cedat in nostris manibus et resignet et dicti fratres dent eidem Gichardo ad sustentationem suam de bonis propriis annuatim quam diu vixerit et solvant Parisius in festo Nativitatis sancti Iohannis Baptiste sibi vel suo certo nuntio duodecim marcas bonorum et legalium sterlingorum Volumus etenim et ordinamus quod sepedicti fratres impetrent ratihabitionem prioris et conventus Grandemon sicut promiserint sub religione prestiti super sancta dei evangelia corporaliter iuramenti In cuius rei testimonio nos et dicti fratres et Gichardus istam nostram ordinationem ratam et gratam habentes presentes litteras sigillo nostro et suis fecimus sigillari Dat die martis proxima ante festum sancti Dionysii anno domini MCCL nono