Charter Document - 03380028
| Charter Number: | 03380028 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1236 |
| Date type: | Internal, A.D., Calendar |
| Resource Link(s): |
Reference Document for this Embedded Document |
Charter:
Universis sancte matris ecclesie filiis ad quos presens scriptum pervenerit Radulfi divina miseratione Herefordensis ecclesie minister humilis salutem eternam in domino Ad universitatis vestre notitiam volumus pervenire quod abbas et conventus Sagiens periculum attendentes quod habent de ecclesia de Dudelebir cuius obtinent patronatum eo quod in remotis partibus agentes eidem ecclesie non possunt in idoneo pastore prout expedit et decet providere nobis humiliter supplicarunt ut super hoc periculo salubre consilium adhiberemus prefate ecclesie curam et ordinationem nostre discretioni in perpetuum committentes ratum et gratum habituri quicquid circa predictam ecclesiam seu in nostros usus vel suos seu alterius ecclesie convertendo vel eam cum vacare contigerit singulari persone conferendo duxerimus ordinandum Nos igitur tam periculo eorum quam saluti animarum volentes in posterum providere memoratam ecclesiam statuimus in hunc modum ordinare In primis attendentes paupertatem ecclesie Sagien concedimus ut abbas et conventus Sagien ad sustentationem pauperum ibidem deo deservientium de memorata ecclesia de Dudelebir decem marcas annuas nomine beneficii in perpetuum percipiant salvo quod Osbertus rector ecclesie eiusdem et Willelmus vicarius quas consueverunt quoad vixerint vel eandem ecclesiam rexerint in eadem ecclesia percipiant portiones Interim autem abbas et conventus memorati antiqua pensione quam in eadem ecclesia percipere consueverunt sint contenti Post mortem autem vel cessionem predictorum Osbertus et Willelmus prefatas decem marcas in perpetuum percipient de fructibus ecclesie sepe dicte Ipsa autem ecclesia tota ordinationi episcopi Hereford quicumque pro tempore fuerit in perpetuum remanebit salvis decem marcis supradictis abbati et conventui annuatim percipiendis in duobus terminis anni scilicet quinque marcis in purificatione beate Marie et aliis quinque in Nativitate beati Iohannis Baptiste Et ut hec nostra ordinatio et concessio rata in posterum permaneat presens scriptum sigilli nostri impressione fecimus roborari Actum anno gratie MCC tricesimo sexto mense Iunii