Charter Document - 03380026
| Charter Number: | 03380026 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1234 - 1239 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Radulfus miseratione divina Herefordensis episcopus eternam in domino salutem Ad universitatis vestre notitiam volumus pervenire nos dedisse concessisse et hac presenti carta nostra confirmasse dilecto et fideli nostro Ricardo Balistario pro homagio et servicio suo unam virgata terre cum pertinentiis suis in villa de Prestebur illam videlicet quam Alexander marescallus aliquando de nobis tenuit et illud mesuagium quod iacet subtus curiam prioris Lanthon versus occidentem cum pertinentiis suis scilicet cum domibus et edificiis que desuper sunt quod quidem mesuagium idem Alexander de nobis tenuit in eadem villa Dedimus etiam et concessimus et hac presenti carta confirmavimus predicto Ricardo pro homagio et servicio suo dimidiam virgata terre cum omnibus pertinentiis suis quam Matildis quondam uxor Arnoldi Blundi de Berestrete aliquando de nobis tenuit in predicta villa de Prestebur tenenda et habenda predicto Ricardo et heredibus suis vel cuicumque dare vendere legare vel assignare voluerit exceptis viris religiosis de nobis et successoribus nostris libere quiete hereditarie reddendo inde annuatim nobis et successoribus nostris ille et heredes sui vel sui assignati duodecim solidos et novem denarios sterlingorum ad quatuor usuales terminos per episcopatum Herefordensem constitutos pro omni servicio consuetudine et demanda salva secta curie nostre quater per annum ad rationabilem sum monitionem Nos vero et successores nostri warantizabimus totam predictam terram cum omnibus pertinentiis suis predicto Ricardo et heredibus suis vel suis assignatis contra omnes homines et feminas in perpetuum Et ut hec nostra donatio concessio et presentis carte nostre confirmatio perpetuum robur optineat presenti scripto sigillum nostrum duximus apponendum Hiis testibus Magistris Ricardo de Gravesende et Hugone de Wlsk Thoma de Gayton tunc senescallo Waltero de Eyleford Simone de Limerton Radulfo Perer Petro de Prestebur Hugone de Lond Ricardo le Port Iohanne clerico qui scripsit hanc cartam et multis aliis