Charter Document - 03380017
| Charter Number: | 03380017 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1236 |
| Date type: | Internal, A.D., Calendar |
| Resource Link(s): |
Balliol College - MS 271 (f73r) |
Charter:
Omnibus ad quos presens scriptum pervenerit Radulfus dei gratia Herefordensis episcopus eternam in domino salutem Noverit universitas vestra quod cum mota esset controversia coram nobis inter abbatem Glouc et priorem Hereford et eorum conventus ex una parte et Rogerum vicarium de Malmeshull Gamages ex altera super taxatione eiusdem vicarie eiusdem ville demum de consensu partium auctoritate nostra taliter fuit ordinatum videlicet quod idem Rogerus habebit totum altelagium pro victu suo et septem acras terre cum quodam mesuagio iuxta cimiterium et totam decimam feni in campo de Malmeshull tam de dominico quam de alio et decimas garbarum de octo virgatis terre et dimidia et decem acras cuius terre David tenet unam virgata Robertus le Ouncai unam nocam Arnaldus unam nocam Willelmus filius Helie unam nocam Robertus filius Alberti unam nocam Walterus miles dimidiam virgata et unam nocam Lunea Pachet decem acras Alfredus prepositus dimidiam virgata Willelmus Albred unam nocam Andreas unam nocam Willelmus Tilie unam nocam Willelmus Dun dimidiam virgata Robertus filius Herberti dimidiam virgata Lucas dimidiam virgata Sibilla unam nocam Gilbertus Rig dimidiam virgata Walterus Bernard unam nocam Radulfus filius Phedulf unam virgata Idem vero Robertus sustinebit consueta onera ecclesie scilicet episcopalia et archidiaconalia Habebit et idem vicarius totam decimam de duabus virgatis terre quam I Gerin et Drewon tenent et propter hoc sustinebit omnia onera ad presbiterum pertinentia tam circa refectionem cancella cum opus fuerit quam circa libros et ornamenta Ceteri vero proventus ratione de Malmeshull in usus dictorum abbatis et conventus integre convertentur Et ut hec taxatio nostra stabilis et firma permaneat eam presenti scripto et sigilli nostri impressione roboravimus Act anno domini MCC tricesimo sexto Hiis testibus Domino Stephanus decano Hereford Simone archidiacono Salop Magistro Ricardo de Graveshend Magistro Iohanne Bacun Magistro Ricardo de Fraxino