Charter Document - 03380013
| Charter Number: | 03380013 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1234 - 1239 |
| Date type: | Assigned |
| Resource Link(s): |
|
Charter:
Omnibus Cristi fidelibus presentes litteras inspecturis Radulfus miseratione divina Herefordensis ecclesie minister humilis salutem in domino Noverit universitas vestra nos divine pietatis intuitu et pro salute anime nostre totam terram illam de Hamme videlicet quindecim libratas terre cum omnibus pertinentiis suis quam emimus a domino Simone de Clifford milite que est de feodo nostro dedisse et concessisse et hac presenti carta nostra confirmasse dilectis in Cristo filiis decano et capitulo Hereford et totum ius quod in eadem terra habuimus vel habere potuimus ex emptione quam a predicto Simone fecimus eisdem plenius concessisse habendam et tenendam predictis decano et capitulo cum omnibus libertatibus et liberis consuetudinibus ad predictam terram pertinentibus in perpetuum sicut unquam aliquis eam aliquo tempore liberius tenuit de nobis et successoribus nostris per servitium unius militis et dimidii pro omni servitio seculari et exactione sicut in carta predicti Simonis quam inde habemus plenius continetur Concesserunt autem nobis ad instantiam et petitionem nostram caritative predicti decanus et capitulum quod in perpetuum die obitus nostri cum ab hoc seculo migraverimus in ecclesia Hereford obsequia divina pro nobis singulis annis solempniter facient celebrari Et ut hec nostra donatio concessio et confirmatio perpetue firmitatis robur optineat presenti scripto sigillum nostrum in testimonium duximus apponendum Hiis testibus []