Charter Document - 03380006
| Charter Number: | 03380006 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1236 - 1237 |
| Date type: | Internal, A.D., Calendar |
| Resource Link(s): |
|
Charter:
Universis sancte matris ecclesie filiis ad quos presentes littere pervenerint Radulfus dei gratia Hereford episcopus salutem in domino Noverit universitas vestra nos inspecta carta Walteri de Travel facta dilectis in Cristo priori et conventui Brecon super iure patronatus ecclesie de Biford eisdem ab eo collato inspectis etiam litteris bone memorie domini Hugonis nostri predecessoris ius illud dicto priori et conventui confirmantibus tam dictam collationem quam confirmationem ratam et gratam habentes eas supradictis priori et conventui auctoritate episcopali sicut ipsas iuste ac canonice adepti sunt confirmamus In cuius rei testimonium presens scriptum sigilli nostri munimine duximus roborandum Actum anno domini MCC tricesimo sexto mense martio