Charter Document - 03371070
| Charter Number: | 03371070 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1175 - 1189 |
| Date type: | Assigned |
| Resource Link(s): |
Reference Document for this Embedded Document |
Charter:
Rogerus de Solers omnibus sancte matris ecclesie filiis presentibus et futuris eternam in domino salutem Sciatis me pro salute anime mee et antecessorum et successorum meorum concessisse et hac carta confirmasse donationem quam pater meus Willelmus de Solers dedit deo et beate Marie et sancto Kenelmo et monachis de Winchecomb voluntate Ermengardis matris mee videlicet decimam de dominio meo de Poteslep plenarie de omnibus rebus de quibus cristiani debent decimas dare simul cum capella quam pater meus Willelmus ibidem tempore regis Stephani assensu eorundem monachorum propter metum guerre construxit Et preterea concedo eisdem monachis dimidiam virgatam terre cum manso et cum pertinentiis quam scilicet Mainardus tenuit de villenagio meo liberam et quietam ab omni servitio et exactione et a regio servitio et ego et heredes mei eam in perpetuum adquietabimus versus omnes gentes Concedo etiam eis de bosco meo husbote et haibote et communem pasturam in dominio meo et super totam terram meam in omnibus locis ad centum oves et ad sex averia et ad unum equum Concedo etiam eis donum quod homines de Poteslep voluntate patris mei dicte capelle fecerunt scilicet dimidiam virgatam terre quam ipsi homines a regio dominico adquietabunt servitio et ab omni exactione in perpetuum Et preterea concedo predictis monachis chirchescot de octo virgatis terre scilicet octo quarterias de frumento singulis annis Hec autem omnia sic dicta concedo et confirmo deo et beate Marie et sancto Kenelmo et monachis de Winchecomb in puram et perpetuam elemosinam ad inveniendum plenius et decentius luminare in eodem monasterio Monachi vero inveniunt capellanum qui ibidem in presentia mea et uxoris mee et heredum meorum plenum faciet servitium in absentia vero solempnibus et dominicis diebus et quartis et sextis feriis Et ut hec mea concessio et confirmatio in perpetuum rata permaneat eam presentis scripti testimonio et sigilli mei appositione roboravi Hiis testibus magistro Petro tunc vicearchidiacono Gloc magistro Waltero de Wulveia Widone et Willelmo personis de sancto Petro Adam et Radulfo sacerdotibus Willelmo clerico de Sulleia Nichola de Brueria tunc preposito hundredi de Winchecomb Ricardo et Henrico filiis meis Rogero et Sexi hominibus meis Oggero Herberto Baldwino Iohanne coco ministris de abbatia et multis aliis