Charter Document - 03370197
| Charter Number: | 03370197 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1216 - 1218 |
| Date type: | Assigned |
| Resource Link(s): |
|
Charter:
Universis Cristi fidelibus as quos presens scriptum pervenerit Silvester Dei gratia Wigorn ecclesie minister humilis eternam in Domino salutem Sanctam dilectorum filiorum prioris et conventus Wigorn conversationem attendentes et eorum paupertati pio patris affectu consulere volentes ecclesiam sancte Helene cum pertinenciis suis cuius tam patronatus quam personatus ad eos pertinere dinoscitur intuitu Dei eis presentium auctoritate duximus conferendam in usus proprios perpetuo iure convertendam Volumus igitur ut dicti prior et conventus memorate ecclesie vel cuiuscumque porcionis illius cum vacaverit possessionem ingrediantur nullius assensu requisito et de proventibus illius pro voluntate sua disponant salva capellanorum in prefata ecclesia et capellis suis debito modo deservientium honesta sustentacione et ut prefatam ecclesiam cum omnibus pertinentiis suis cum omni libertate et integritate sua quiete et pacifice in perpetuum possideant salvo nobis et successoribus nostris iure pontificali et parrochiali Et ut omnia predicta perpetuum robur obtineant ea presenti scripto et sigilli nostri apposicione confirmavimus Hiis testibus magistro Nicholao de Hampton tunc officiali nostro magistro Iohanne de Wichio Reginaldo et Thoma capellanis Willelmo de Budiford et Helya et Waltero de Lench et Willelmo de Huntind clericis et multis aliis