Charter Document - 03370196
| Charter Number: | 03370196 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1216 - 1218 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens carta pervenerit Silvester Dei gratia Wygorn episcopus eternam in Domino salutem Ad universitatis vestre notitiam volumus pervenire quod cum controversia super tertia prebenda ecclesie de Berkelaie tam coram predecessoribus nostris episcopis Wygorn et aliis quibusdam iudicibus a sede apostolica delegatis quam coram nobis ipsis diutius ventilata fuisset inter dilectos nobis in Cristo filios [] abbatem sancti Petri Glouc et eiusdem loci conventus ex una parte et abbatem sancti Augustini Bristoll et eiusdem loci conventus ex alia tandem temporibus nostris in presentia nostra sub hac forma conquievit Videlicet quod utraque predictarum partium spontanea voluntate sua totum ius quod sibi in predicta prebenda vendicabat in manus nostras solempniter et publice resignavit insuper etiam omni compositione prius concepte vel scripte sive consignate coram quibuscunque aliis iudicibus prenominate partes expresse renuntiantes ita scilicet quod liceret nobis private persone vel collegio cuiuscumque eam conferre et de eadem pro voluntate nostra disponere et ordinare Unde cum ad donationem nostram tam auctoritate concilii Lateranensis quam specialis consensus prenominatarum partium et earundem voluntaria renuntiatione predicta prebenda fuisset devoluta nos attendentes religiosam conversationem dilectorum nobis in Cristo filiorum abbatis sancti Augustini Bristoll et sacri eiusdem conventus et celebrem consuetam et caritativam in eadem abbatia susceptionem hospitum undecunque perfluentium concessimus et dedimus dictis abbati et conventui sancti Augustini Bristoll sepedictam prebendam cum omnibus pertinentiis suis et libertatibus in usus hospitum perpetuo convertendam per manus magistri hospitum quem abbas loci de consilio fratrum suorum officio duxerit preficiendum Solvent autem predicti abbas et conventus sancti Augustini Bristoll in perpetuum singulis annis quinque marcas sterlingorum sacriste de Wygorn quicunque pro tempore fuerit ad opus luminar inveniendi ante tumbam clare memorie Iohannis illustris regis Anglorum Hanc igitur concessionem donationem et corporalem sepedicte prebende possessionis missionem fecimus dictis abbati et conventui salvis nobis et successoribus nostris et archidiaconis iure pontificali et parochiali et ecclesie Wygorn dignitate Ut autem ea que a nobis tam solempniter publice et canonice facta sunt perpetue firmitatis optineant robur et effectum ea presentis scripti testimonio et tam sigilli nostri quam universitatis monachorum conventus Wygorn ecclesie confirmavimus Hiis testibus R de Clipston offic nostro magistro N de Wulfrunehamt magistro Matheo de Grimeslech R de Wykewane W de Leng I Phisico magistro W elemosinario Iohanne de Bretles et multis aliis