Charter Document - 03370195
| Charter Number: | 03370195 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1216 - 1218 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Silvester Dei gratia Wigorn episcopus eternam in Domino salutem Cum ex officio cure pastoralis nobis commisse omnium catholice fidei profectibus secundum Deum intendere teneamur eorum utilitatibus insistere potissime debemus quorum vitam et religionem fama preclarior conversatio maturior plenius dinoscitur commendare Attendentes igitur dilectorum filiorum monachorum Westmonasterii vite honestatem et mature religionis perfectionem ad resignationem dilectorum filiorum nostrorum monachorum Maioris Malvernie concedimus et auctoritate pontificali confirmamus predictis monachis Westm ad sustentationem fratrum infirmorum eiusdem domus pensionem duarum marcarum annuam de ecclesia sancti Andree de Persora in qua ius patronatus habere dinoscuntur percipiendam cum omnibus decimis de toto dominico suo quod dicti monachi Westm habent in manerio de Persora et eius pertinentiis et omnes alias decimas frugum et feni et omnes minutas decimas quas dicti monachi Malvernie in predicto manerio de Persora et eius pertinentiis aliquo tempore percipere consueverunt Ius etiam advocationis predicte ecclesie quod dicti monachi Malvernie sepedictis monachis Westm cum omnibus rebus memoratis consensu et auctoritate nostra interveniente concesserunt eisdem monachis Westm concedimus et auctoritate qua licet indigni ecclesie Wigorn presidemus confirmamus salva in omnibus dignitate Wygorn ecclesie Ut autem hec nostra concessio futuris temporibus stabilis et rata perseveret eam presenti scripto et sigilli nostri munimine confirmantes duximus inperpetuum roborandam Hiis testibus magistro Nicholao de Wlvrenehamtun magistro Roberto de Clipston magistro Iohanne de Wycha Uliano Chendedut senescallo Westm magistro Willelmo de Lincoln Iacobo de Langel Stephano de Berking et multis aliis