Charter Document - 03370186
| Charter Number: | 03370186 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1216 - 1218 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos litere iste pervenerint Silvester Dei gratia Wigorn episcopus salutem in Domino Cum teneamur viris religiosis prospicere ne cuiuslibet defectus occasio robur quod absit religionis infringat considerantes quanta dilecti nobis in Cristo filii prior et conventus canonicorum de Kenill morum fulgeant honestate quanta sancte conversationis prepolleant religione hospitalitatem sectantes in suscipiendis hospitibus inter personas hominum non discernentes ut in aliquo saltem abundantius valeant hospitibus manus caritatis aperire eisdem ecclesiam de Eatendon cum eam vacare contigerit concessimus et auctoritate pontificali in usus proprios convertendam confirmavimus volentes ut prefati prior et conventus ecclesiam prenominatam cum omnibus pertinentiis libertatibus et liberis consuetudinibus suis habeant teneant et possideant inperpetuum salvo iure S de Waltham si quid habet salva etiam Hugoni de Welliis vicaria quam habet in eadem ecclesia quoad vixerit salva etiam competenti sustentatione non minus centum solidorum vicarii qui pro tempore diocesano a prefatis priore et conventu presentatus spiritualia ministrabit ibidem salvis etiam nobis et successoribus nostris iure pontificali et parochiali et archidiaconali et ecclesie Wigorn dignitate Ut autem hec nostra concessio perpetue stabilitatis optineat firmitatem eam presentis scripti testimonio sigilli nostri inpressione munito duximus confirmandam Hiis testibus Ricardo abbate de Grim S priore Wigorn Reginaldo de Persore et Thoma monachis capellanis episcopi Willelmo capellano elemosinario episcopi magistro Nicholao de Wlfrunhampton magistro Roberto de Clippeston magistro Iohanne de Wiche Radulfo de Wikewan magistro Thoma de London Iohanne le Walais Iohanne Paschal Adam fratre domini episcopi Helia de Walton Simone camerario et multis aliis