Charter Document - 03370184
| Charter Number: | 03370184 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1216 - 1218 |
| Date type: | Assigned |
| Resource Link(s): |
|
Charter:
Universis sancte matris ecclesie filiis scriptum presens inspecturis S divina permissione Wigor ecclesie minister eternam in Domino salutem Universitati vestre notificamus nos post litem diutius inter dilectos nobis in Cristo abbatem et conventum de Haghmon ex una parte et nobilem virum Robertum de Mortuo mari et Margaretam uxorem suam ex altera coram nobis agitatam cartas confirmationum dictorum Roberti et Margarete prefatis canonicis confectas in consistorio nostro publicatas inspexisse videlicet super molendino de Wichebolde et una virgata terre apud castellum Ricardi et quatuor acras terre in Cornewode et tota terra quam Willelmus de Overton tenuit in Coderugge quam Matildis filia Iohannis le Poer eis cum corpore suo donavit et relaxatione nisi pro ii s annuis super quibus scilicet prenominati Robertus et Margareta memoratis canonicis cartas suas de predictis omnibus inperpetuum possidendis amicabiliter in puram elemosinam confecerunt et caritative contulerunt Nos autem eo quod cartas super possessionibus memoratis confectas inspeximus easdem presenti scripto sigilli nostri inpressione munito nos vidisse audisseque testificamus hiis testibus Magistro Nicholao de Hampton tunc Offic []