Charter Document - 03370177
| Charter Number: | 03370177 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1215 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens carta pervenerit W Dei gratia Wigorn episcopus salutem in Domino Necessitatibus singulorum et maxime virorum religiosorum indigentium ex iniuncto nobis officio subvenire tenemur Eapropter dilectis filiis S priori et conventui et ecclesie nostre Wigorn qui in facultatibus ad hospites peregrinos et infirmos sustentandos deputatis defectui sustinere dinoscuntur divini amoris intuitu et ob religionis favorem ecclesiam manerii sui de Cliva cum omnibus ad eam pertinentibus concessimus dedimus et presenti carta confirmavimus libere et integre in usibus eorum propriis perpetuo possidendam et possessione eiusdem episcopali auctoritate corporaliter investivimus salva competenti vicaria perpetuo vicario eiusdem ecclesie qui ad eorum presentationem a nobis vel successoribus nostris ibidem canonice fuerit institutus salvo etiam nobis et successoribus nostris inperpetuum iure pontificali et parrochiali Et ut ea que a nobis rationabiliter acta sunt perpetue firmitatis robur optineant ea presentis scripti testimonio et sigilli nostri munimine duximus roboranda Hiis testibus magistro Ricardo de Tyrint Willelmo capellano magistro Rumfredo magistro Roberto de Wynton magistro Waltero de Taney Willelmo de Rudrefeld Helya Bernard Galfrido de Stanlak Dat per manum nostram apud Rudrefeld iiii kalend Martii pontificatus nostro anno primo