Charter Document - 03370175
| Charter Number: | 03370175 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Religious |
| Charter Type(s): | Concession, Confirmation |
| Date: | 1214 |
| Date type: | Assigned |
| Resource Link(s): |
|
Charter:
Universis hanc cartam inspecturis vel audituris Walterus Dei gratia Wigorn episcopus eternam in Domino salutem Ad universitatis vestre notitiam referimus nos divine caritatis intuitu et pie devotionis affectu ad instantiam venerabilis patris nostri Stephani Cantuariensis archiepiscopi totius Anglie primatis et sancte Romane ecclesie cardinalis concessisse et presenti carta confirmasse dilectis filiis nostris monachis de Winchecumba annuum canonem viginti solidorum de ecclesia de Bladinton singulis annis percipiendum ad inveniendum plenius et decentius necessaria ad missam beate Marie perpetue virginis quam solempniter singulis diebus inperpetuum celebrandam in monasterio suo statuerunt Dictos etiam monachos in predicti canonis viginti solidorum possessionem induximus Hiis testibus magistro Roberto de Clipston officiali Wigorn magistro Willelmo de Bodeham magistro Ricardo de Tirinton magistro Ricardo le Cornwaleis magistro Waltero de Taney Willelmo le Kenteis clerico et aliis