Charter Document - 03370172
| Charter Number: | 03370172 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1214 - 1215 |
| Date type: | Assigned |
| Resource Link(s): |
|
Charter:
Universis sancte matris ecclesie filiis W Dei gratia Wigorn episcopus salutem Cum monachos Radyng monasterii singulari quadam prerogativa caritatis amplectamur attendentes fervorem religionis que in eodem monasterio vigere dinoscitur et hospitalitatis communitatem que indistincte patet cuilibet transeunti tanto nos reputamus ad promotionem eorum procurandam specialius obligatos quanto ipsos collata sibi beneficia in meliores usus noscimus conversuros Cupientes igitur bonis eiusdem domus aliquid adicere propter quod tante caritatie opera debeant augmentari dictis monachis ibidem Deo servientibus et in perpetuum servituris ecclesiam de Rokynt cum omnibus ad eam pertinentibus divine pietatis intuitu et pro anima patris nostri cuius penes ipsos corpus requiescit concessimus et auctoritate pontificali confirmavimus post decessum magistri R de Hayles eiusdem ecclesie persone in usus proprios convertendam salva competenti sustentatione vicarii eidem ecclesie pro tempore servituri salvis nobis et successoribus nostris iure pontificali et parrochiali Ut autem hec nostra confirmatio perpetue firmitatis robur optineat eam presentis scripti testimonio cum sigilli nostri appositione duximus muniendam