Charter Document - 03370146
| Charter Number: | 03370146 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1203 - 1212 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit M Dei gratia Wigorn episcopus salutem in Domino Universitati vestre significamus controversiam quam magister Matheus de Grimeleg movit contra Randulfum priorem Wigorn et eiusdem loci conventum in curia ecclesiastica super communa pasture alte more in Grimesl que iacet inter ecclesiam de Grimesl et Sabrinam sub hoc fine conquievisse Videlicet quod dictus magister Matheus dedit et concessit inperpetuum ecclesie beate Marie Wigorn et priori et monachis ibidem deo servientibus quicquid iuris habuit vel habere videbatur ipse vel capella de Grimesl in predicta pastura in escambium pro quadam parte de Werleyesmore scilicet que incipit a capite illius more versus Grimel usque ad novum fossatum versus Hallag Solvet autem sepedictus magister M singulis annis unam libram cimini prenominatis priori et monachis in Nativitate beate Marie virginis Iuravit insuper utraque pars et in verbo veritatis fideliter promisit se nunquam super sepedicta pastura vel eius escambio litem quandocunque moturam Concessit insuper sepedictus magister Matheus ut homines de Grimesl habeant unam viam in predicta mora super fossatum versus Sabrinam ad latitudinem octo pedum usque ad pasturam suam Ut autem hec amicabilis compositio facta tam inter personas quam inter ecclesias perpetue firmitatis robur optineat eam auctoritate pontificali confirmamus In huius itaque rei testimonium sigillum nostrum commune quod officialibus nostris tradidimus huic scripture fecimus apponi Ad maiorem insuper huius rei securitatem appensa sunt sigilla prioris et conventus et magistri Mathei