Charter Document - 03370114

Omnibus sancte matris ecclesie filiis ad quos presens scriptum pervenerit Maugerius Dei gratia Wygorn episcopus eternam in Domino salutem Ad universitatis vestre notitiam volumus pervenire dilectum filium nostrum Thomam abbatem Glouc ad monitionem et petitionem nostram et totius conventus Glovernie restituisse deo et elemosinarie Glovernie in usus pauperum Cristi totum manerium de Stanedissh cum omnibus pertinentiis suis scilicet in decimis et redditibus et omnibus proventibus inperpetuum salvis cellerario Glovernie in antiquis assisis tam in anniversario abbatis Serlonis quam in brasio ita quod elemosinarius qui pro tempore fuerit habebit plenam et integram dispositionem eiusdem manerii et convertet illud in usus pauperum pro ut melius secundum deum viderit expedire nec umquam licebit alicui in alios usus illud manerium in toto vel in parte transferre nisi in magna necessitate et de communi consilio totius conventus salvis tam predicto Thome abbati quam omnibus successoribus suis duabus marcis annis singulis ad Natale domini et aliis duabus ad Pascha de eodem manerio ab elemosinario ad privatas elemosinas eiusdem abbatis faciendas imperpetuum percipiendis Quod ne processu temporis possit infirmari presenti scripto sigillo nostro munito confirmavimus data a nobis ad petitionem predictorum abbatis et conventus Glouc excommunicationis sententia in eos qui hanc concessionem infirmare presumunt nisi de magna necessitate ut supradictum est et de consilio totius conventus Facta est autem hec concessio anno ab incarnatione domini millesimo duc secundo in capitulo Glouc in die sancte Marie Magdalen Hiis testibus memorato venerabili patre nostro M dei gratia Wygorn episcopo Roberto eadem gratia abbate Wynchelec et multis aliis