Charter Document - 03370099

Hec est conventio facta inter Mauricium personam de Stratford et Willelmum de Bissopesd militem in presentia domini Maugerii episcopi Wig volentis et assentientis super cantaria capelle de Bissopesdun scilicet quod predictus Mauricius vel quicumque post eum in eadem ecclesia fuerit persona inveniet et ponet capellanum idoneum quem voluerit divina officia in capella de Bissop celebrantem et ibidem residentem Pro hac vero cantaria et residentia in perpetuum facienda dedit predictus W miles ad sustentationem capellani eiusdem capelle deservientis in puram et perpetuam elemosinam quatuordecim acras terre in uno campo et quatuordecim acras in alio campo de dominico suo scilicet duas acras in Willaneshull et quatuor acras in Crowethorn et quatuor acras in Waterlond et quatuor acras in Wodlond item in alio campo octo acras in Midlestebreg et sex acras in Utmestebreg versus Wilmecot Preterea de vilenagio suo quatuor acras in Seldesheved scilicet inter Sere acras et duas inter viam et campum de Cloptun scilicet duas proximiores vie preter unam et duas acras in Redelond iuxta Sere acras et unam acram prati apud Ose contra domum Gumberti cum crofta et mesuagio quod Walterus Partrich aliquandiu tenuit Concessit etiam dictus miles capellano predicte capelle pasturam octo boum ubicumque boves domini eiusdem ville pascentur preterquam in pratis si forte ea dominus pascat pro defectu pascue Habebit etiam in communi pastura oves et porcos quotquot voluerit et alia heisamenta Omnia ista concessit sepedictus miles dicte capelle possidenda et habenda libere et quiete ab omni servitio seculari et exactione et omnia ista capelle warantizabit Idem autem miles cum hominibus suis de Bissopestd sustinebit hec onera capelle in ea reficienda et edificanda in calice in libris in luminaribus et vestimentis inveniendis et ceteris necessariis Matrix autem ecclesia de Stratford percipiet omnes decimas garbarum et lini de tota parochia de Bissopesd et corpora defunctorum cum oblationibus in matrici ecclesia faciendis post missam celebratam in capella cum primo legato Omnes alias obventiones et minutas decimas de domo eiusdem militis et hominum eiusdem ville capellanus percipiet Sepedictus quidem miles vel heredes sui nichil umquam sibi vendicabunt in iure patronatus eiusdem capelle nec consensus eorum requiretur in ponendo ibidem capellano idoneo Hanc conventionem fideliter in posterum tenendam sepedictus W miles pro se et heredibus suis fidei interpositione promisit et ad maiorem huius conventionis securitatem et perpetuam eiusdem firmitatem tam domini Maugerii Wigorn episcopi quam predictorum persone et militis sigilla huic scripto apponuntur Hiis testibus Willelmo de Verd archidiacono Gloucestr Willelmo priore Minoris Malvern magistris Roberto de Clipestun Hilario de Warewich Iordano de Wicheway Petro Caballo Rogero de Culy Ernald de Bathon Willelmo Trussel Willelmo Cumin Osberto Trussel Willelmo de Wilmecot et multis aliis