Charter Document - 03370088
| Charter Number: | 03370088 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1196 - 1198 |
| Date type: | Assigned |
| Resource Link(s): |
|
Charter:
Omnibus Cristi fidelibus Iohannes Dei gratia Wygorn episcopus salutem eternam in Domino Cum tam nos quam predecessores nostri dederimus et concesserimus Deo et ecclesie beate Marie de Oseneya et canonicis regularibus in ea Deo servientibus ecclesiam de Begeburia que est de eodem manerio nostro cum vicaria et capellis ac omnibus aliis pertinentiis et cum omni integritate sua et libera administratione possidendam in puram et perpetuam elemosinam salvo in omnibus iure episcopali volumus et presenti scriptura concedimus quod predicti canonici per unum de concanonicis suis providum et honestum personaliter in dicta ecclesia residentem dicte ecclesie possint deservire et curam animarum parochie dicte ecclesie habere tam libere plene et integre cum omnibus libertatibus et liberis consuetudinibus et iurisdictionibus sicut dicta ecclesia unquam habuit et sicut alie ecclesie maneriorum nostrorum habere consueverunt temporibus retroactis ita quod quilibet canonicus in predicta cura ut premittitur ministraturus episcopo Wigorn qui pro tempore fuerit per litteras abbatis et conventus presentetur per eundem instituendus ita quotiens canonicus sic institutus per mortem vel ex alia causa rationabili per suum abbatem fuerit amotus alius episcopo sicut premittitur presentetur et sic fiat successive inperpetuum Nos vero huic concessioni nostre etiam facto adherentes quendam fratrem W dictum de Hokenart dicte domus canonicum ad prefatam curam admisimus et in eandem instituimus Et in testimonium et memoriam sempiternam premissorum dictis abbati et conventui litteras nostras fieri fecimus patentes Hiis testibus