Charter Document - 03370073
| Charter Number: | 03370073 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1193 - 1195 |
| Date type: | Assigned |
| Resource Link(s): |
|
Charter:
Universis Cristi fidelibus ad quos presens carta pervenerit Henricus Dei gratia Wigorn episcopus eternam in Domino salutem Ad universitatis vestre notitiam referimus nos divine pietatis intuitu concessisse dilectis filiis nostris abbati et conventui Winchecomb annuum canonem quinque marcarum ad constructionem et sustentationem operis ecclesie Winchecomb de ecclesia de Sireburn cum ipsa vacaverit singulis annis percipiendum Ita quidem quod ad eandem ecclesiam vacantem a prefatis monachis nobis vel successoribus nostris vicarius presentetur qui predictum canonem quinque marcarum ecclesie de Winchecomb annuatim persolvat et residuum habeat ad sustentationem sui et ministrationem ecclesie de Sireburn et episcopalia persolvenda Et ut hec nostra concessio perpetue firmitatis robur optineat ipsam episcopali auctoritate confirmavimus et presenti scripto sigillo nostro impresso roboramus Hiis testibus magistro Petro archidiacono Wigorn Waltero capellano nostro Gervasio priore de Winchecomb et Nicholao suppriore et Iohanne sacristario et Waltero elemosinario eiusdem ecclesie magistro Arnaldo de Bathon magistro Willelmo de quercu clericis nostris Ignardo camerario nostro Alexandro pasturello Roberto de gurgite et multis aliis