Charter Document - 03370072
| Charter Number: | 03370072 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1193 - 1195 |
| Date type: | Assigned |
| Resource Link(s): |
|
Charter:
Universis Cristi fidelibus ad quos presens carta pervenerit Henricus Dei gratia Wigorn episcopus eternam in Domino salutem Ad universitatis vestre volumus pervenire notitiam nos divine caritatis intuitu et pie devotionis affectu concessisse et presenti carta nostra confirmasse dilectis filiis nostris monachis de Winchecomb annuum canonem viginti solidorum de ecclesia de Bladinton annis singulis percipiendum ad inveniendum plenius et decentius necessaria ad missam beate et perpetue virginis Marie quoniam solempniter singulis diebus inperpetuum celebrandam in monasterio suo statuerunt Hiis testibus magistro Petro archidiacono Wigorn magistro Hereberto de Dudinton magistro Adam de Melnes magistro Arnaldo de Bathon magistro Willelmo de quercu Hamelino de Columbers senescallo Ignardo camerario Roberto de gurgite Alexandro marscallo et multis aliis