Charter Document - 03370071
| Charter Number: | 03370071 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1195 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit H Dei gratia Wigorn episcopus eternam in Domino salutem Ad universitatis vestre referimus notitiam nos divine pietatis intuitu ad instantiam venerabilis patris nostri H dei gratia Cantuar archiepiscopi totius Anglie primatis et apostolice sedis legati concessisse dilectis filiis nostris abbati et conventui Winchecomb annuum canonem quinque marcarum ad necessaria invenienda fratribus infirmis in monasterio de Winchecomb de ecclesia de Twening cum ipsa vacaverit singulis annis percipiendum Ita quidem quod ad eandem ecclesiam vacantem a prefatis monachis nobis vel successoribus nostris vicarius presentetur qui predictum canonem quinque marcarum ecclesie Winchecombie annuatim persolvat et residuum habeat ad sustentationem sui et ministrationem ecclesie de Twening et episcopalia persolvenda Et ut hec nostra concessio perpetue firmitatis robur optineat ipsam episcopali auctoritate confirmamus et presenti scripto sigillo nostro impresso roboramus His testibus domino H Cant archiepiscopo Willelmo Herefordensi Alano Bangorensi episcopis Simone abbate Persorensi Petro archidiacono magistro Willelmo de Sumercota magistro Willelmo de Tunebrig magistro Iordano de Wikewan magistro Ernaldo de Bath Iohanne de Kemesia Hamelino de columbariis Willelmo de Chevelingwth Willelmo de quercu et multis aliis