Charter Document - 03370046
| Charter Number: | 03370046 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1193 - 1195 |
| Date type: | Assigned |
| Resource Link(s): |
Reference Document for this Embedded Document |
Charter:
Universis sancte matris ecclesie filiis ad quos presens scriptum pervenerit H Dei gratia Wigorn episcopus eternam in Domino salutem Ne iura ecclesiasticorum beneficiorum que viri religiosi iuste possident per temporum vetustates oblivione sepeliri vel aliquorum malignantium pravitate valeant in irritum revocari solers antiquorum prudentia ea huiuscemodi litterarum perpetuare consuevit ac corroborare memoria Eapropter ex officio nobis iniuncto quieti et indempnitati dilectorum filiorum nostrorum abbatis et monachorum de Abendon prospicere cupientes et eorundem honestatem ac religionem attendentes ad universitatis vestre notitiam volumus pervenire nos predictis filiis nostris monachis de Abend auctoritate episcopali confirmasse annuam pensionem dimidie marce de ecclesia de Dumbelton ad usus infirmorum fratrum eiusdem domus perpetuo percipiendam et duas partes decimarum rusticorum eiusdem ville ad officium cantarie pacifice et in perpetuum possidendas Quod ut ratum et inconcussum omni tempore permaneat presenti scripto sigilli nostri appositione corroborato confirmavimus Hiis testibus magistro Willelmo de Tunebrigg magistro Ernaldo de Bathon magistro Gregorio de Hallaga magistro Iohanne de Kemeseia Willelmo de Quercu Hamelino de Columbariis Ignardo camberlano Rogero coco Alexandro pasturel Henrico de Hampton et multis aliis