Charter Document - 03370027
| Charter Number: | 03370027 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Religious |
| Charter Type(s): | Record |
| Date: | 1186 - 1190 |
| Date type: | Assigned |
| Resource Link(s): |
|
Charter:
Universis sancte matris ecclesie filiis W divina miseratione Wigorn ecclesie minister salutem in Domino Ad universitatis vestre volumus pervenire notitiam nos ad presentationem S abbatis et conventus Persor Reginaldum clericum ad medietatem ecclesie de Lega illam scilicet portionem quam Mauricius tenuit de Simone archidiacono Wygorn admisisse eumque in ea canonice instituisse sub annua pensione unius marce monachis Persore singulis annis persolvenda cuius medietatem persolvet ad Pascha et medietatem ad festum sancti Michaelis Prefatus siquidem Reginaldus tactis sacrosanctis ewangeliis iuravit quod et pensionem predictam fideliter persolvet et in medietate quam Warinus habet in eadem ecclesia in vita vel post mortem ipsius Warini contra voluntatem predictorum monachorum sibi nichil iuris vendicabit necnon in portionem quam idem monachi in proprios usus habent scilicet in duabus partibus decimarum totius predicti manerii Et ut hec nostra institutio perpetuum et inconvulsum robur optineat eam presenti scripto et sigilli nostri appositione confirmamus Hiis testibus magistro Godefrido de Gloec W de Tunebrig El filio Roberti et aliis