Charter Document - 03370008

Omnibus sancte matris ecclesie filiis W divina miseratione Wygornien[sis] ecclesie minister eternam in Domino salutem Noverit universitas vestra contentionem que orta fuit in villa Glouc inter capellam sancti Iohannis et capellam Omnium Sanctorum super iure parrochiali mansionis Ricardi Rufi hoc fine in presentia nostra terminatam esse T siquidem abbas Glouc ad quem pertinebat capella sancti Iohannis et R prior Lanthonie ad quem spectabat capella Omnium Sanctorum de contentione predicta in arbitros iiii compromiserunt scilicet magistrum P de Lech et magistrum Sampsonem Ricardum Lupellum et magistrum Godefridum de Glouc qui in unum convenientes unanimi assensu statuerunt ut quamdiu una consisteret mansio ex illis duabus una scilicet que fuit Ailwini mercerii que quidem ad capellam sancti Iohannis spectabat et alia que fuit Osberti sellarii que quidam ad capellam Omnium Sanctorum spectare dinoscitur in cuius ecclesie parrochia introitum et exitum habuit dominus illius mansionis in illa ecclesiastica percipiat sacramenta illius autem capelle sacerdos de omnibus obventionibus de mansione illa provenientibus propter onus quod sustinet duas partes sibi retineat et tertiam partem alterius capelle sacerdoti restituat et de hac restitutione legitime et fideliter facienda tam hii qui tunc ministrabant in capellis illis quam hii qui per successionem temporis in futurum in eis ministrabunt sacramento invicem obligabuntur Et stabit hec conventio quamdiu ex illis duabus una erit mansio Si autem contingat aliquo tempore separatas esse ut prius fuerint utriusque suam sequatur parrochiam ut prius fecerunt Quia ergo hec in presentia nostra gesta sunt et utriusque partis assensu firmata est nos ea auctoritate episcopali et sigilli nostri appositione confirmamus Hiis testibus Radulfo capellano nostro Ricardo de London Willelmo filio Godefridi magistro Hugone Petro et Iohanne clericis nostris Iohanne decano Gloec Iohanne decano Dur Thoma de sancto Nicholao