Charter Document - 03370007
| Charter Number: | 03370007 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Religious |
| Charter Type(s): | Admission, Institution |
| Date: | 1186 - 1190 |
| Date type: | Assigned |
| Resource Link(s): |
|
Charter:
Universis Cristi fidelibus Willelmus miseratione divina Wygorn ecclesie minister eternam in Domino salutem Ad universitatis vestre volumus pervenire notitiam nos ad petitionem et presentationem T abbatis et conventus Glouc Milonem clericum ad perpetuam vicariam ecclesie de Cerneye vacantem admisisse eumque in ea perpetuum canonice instituisse vicarium sub annuo canone quinque marcharum cellerario Glouc persolvendo quarum medietatem solvet ad Annuntiationem beate Marie et medietatem ad festum sancti Michaelis Ut igitur nostra institutio perpetuum et inconvulsum robur optineat eam presentis scripti serie confirmamus et sigilli nostri appositione testiumque inscriptione roboramus