Charter Document - 03370003
| Charter Number: | 03370003 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Religious |
| Charter Type(s): | Protection |
| Date: | 1186 - 1190 |
| Date type: | Assigned |
| Resource Link(s): |
|
Charter:
Universis sancte matris ecclesie filiis Willelmus divina miseratione Wigorn ecclesie minister eternam in Domino salutem Ex iniuncti nobis officii sollicitudine tenemur ea que viris religiosis pia fidelium largitione collata dinoscuntur auctoritate episcopali roborare et communire Inde est quod nos honestam conversationem canonicorum Sancti Augustini de Bristoll attendentes domus etiam paupertatem et diligentem curam quam in suscipiendis hospitibus et alendis pauperibus adhibent considerantes domum ipsam ecclesias et ecclesiastica bona in diocesi nostra eis assignata sub nostra suscepimus protectione et ut caritatis beneficia que a prima fundatione eiusdem domus divina iuvante gratia in ea ceperunt habundantius ad honorem Dei possint dilatari canonicis ibidem Deo servientibus episcopali auctoritate concedimus ut fructus ecclesiarum de Berkel de Almodesb[eria] de Wutton de Esseleswurth ad sustentationem ipsorum fratrum et hospitum susceptionem et pauperum exhibitionem in usus proprios convertere possint salva in omnibus Wigorn ecclesie dignitate et vicariorum in eisdem ecclesiis ministrancium honesta sustentatione Et ut hec nostra concessio inconcussa permaneat eandem presentis scripti serie et sigilli nostri appositione dignum duximus roborandam His testibus Radulfo canonico Oseneie Warino capellano magistro Godefrido magistro Willelmo de Tuneb Willelmo filio Godefridi magistro Hugone de Poywic Iohanne clerico de Drait et aliis multis