Charter Document - 03361253
| Charter Number: | 03361253 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1163 - 1184 |
| Date type: | Assigned |
| Resource Link(s): |
Reference Document for this Embedded Document |
Charter:
Willelmus comes Warewich omnibus baronibus et ministris et omnibus hominibus suis et amicis salutem Sciatis me concessisse in perpetuam elemosinam Deo et ecclesie sancte Marie de Kenill ecclesiam de Breiles et ecclesiam de Wellesburna quas pater meus eidem ecclesie donavit cum terris decimis pratis et pasturis et omnibus consuetudinibus et rebus que ad ipsas ecclesias pertinent Hoc autem concessi pro salute anime mee et pro animabus parentum meorum et amicorum meorum et volo et firmiter concedo ut canonici predicte ecclesie de Kenill habeant et teneant easdem ecclesias cum omnibus pertinentiis solutas et quietas et liberas ab omni servitio seculari et nominatim ut nec ego ipse vel aliquis meorum in domibus clericorum vel hominum qui in feudis predictarum ecclesiarum manent hospitium vel foragium sive aliquid aliud de rebus eorum preter gratuitum assensum ipsorum habeamus Ego vero pro hac mea concessione sicut pater meus habuit in ipsa ecclesia de Kenill semper debeo unum canonicum habere Preterea donavi et omnino quietum clamavi supradicte ecclesie Galfridum clericum de Breiles cum omnibus suis Teste episcopo Ebroic R Radulfo priore de Warewich Henrico canonico suo Roberto clerico de Ard Rogero de sancto Samsone Gaufredo de Novoburgo Thurstino de Munford Hugone de Ard Roberto filio Odonis et pluribus aliis