Charter Document - 03360249
| Charter Number: | 03360249 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1181 |
| Date type: | Internal, A.D., Calendar |
| Resource Link(s): |
|
Charter:
Omnibus fidelibus ad quos presentes littere pervenerint Baldwinus divina miseratione Wigorn[ensis] ecclesie minister eternam in Domino salutem Notum facimus universitati vestre quod dominus papa Alexander iii causam que super decimis dominii de Pudelicota vertebatur inter venerabilem G[odefridum] abbatem et monachos de Egnesham et Rogerum de Bechesora clericum delegavit nobis cognoscendem et concordia vel iudicio mediante terminandam Partibus itaque in presentia nostra constitutis lis tota coram nobis amicabili compositione terminata fuit in hunc modum Iamdictus R rector capelle de Cerchesden assensu Hugonis Gulafre patroni eiusdem capelle concessit predictas decimas monasterio de Egnesham perpetuo possidendas recepturus singulis annis quoad vixerit ab eodem monasterio dimidiam marcam argenti in festo sancti Michaelis tanquam personale beneficium Quod ne tractu temporis in irritum revocetur presentis scripti munimine et sigilli nostri appositione communimus salva in omnibus auctoritate diocesani episcopi Hec autem compositio facta fuit anno dominice incarnationis MCLXXXI idibus Maii apud Wigorn Testibus R priore Wigorn magistro S archidiacono Wigorn magistro Nicholao de Leuechenor