Charter Document - 03360247
| Charter Number: | 03360247 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1181 - 1183 |
| Date type: | Assigned |
| Resource Link(s): |
|
Charter:
Omnibus fidelibus ad quos presentes littere pervenerint B[aldewinus] divina miseratione Wygorn[ensis] ecclesie minister et frater C[onan] dictus abbas Marganen[sis] eternam in Domino salutem Notum facimus universitati vestre quod felicis memorie Alexander papa iii causam quam Reginaldus presbiter super vicaria ecclesie de Chiltham et super quibusdam aliis rebus adversus dilectos nobis in Cristo A[dam] abbatem et canonicos Cirencestrie proponebat delegavit nobis cognoscendam et appellatione remota terminandam Partibus itaque in presentia nostra constitutis lis tota coram nobis amicis intervenientibus tandem quievit in hunc modum Predicti canonici satisfecerunt iamdicto R[eginaldo] presbitero de viii marcis ut a vexatione eorum omnino et perpetuo desisteret Idem vero R[eginaldus] solempniter iuravit quod in foro ecclesiastico vel seculari nunquam per se vel per alium eos vexaret aut in causam traheret super predicta vicaria aut super terra aliqua vel blado vel aliis rebus super quibus eos in causam traxerat Quod ne tractu temporis in dubium revocetur presentis scripti serie et sigilli nostri appositione testificamur Huic compositioni interfuerunt magister Silvester magister Petrus de Lecha Rogerus de Cherintun magister Godefridus de Sildona Galfridus filius Terrici Iohannes de Exonia W Prudhumme magister Samuel Petrus de Redinge