Charter Document - 03360243
| Charter Number: | 03360243 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1184 |
| Date type: | Internal, A.D., Calendar |
| Resource Link(s): |
|
Charter:
Omnibus Cristi fidelibus ad quos presentes litere pervenerint R Herford et B Wigornien Dei gratia episcopi et R prior Lanton eternam in Domino salutem Notum vobis facimus quod cum causa que vertebatur inter R abbatem Abbend et Willelmum clericum et Iordanum de Turri clericum super ecclesia de Schalingeford quam memoratus I petebat in capellam matris ecclesie sue de Stanford a domino pape Lucio iii nobis appellatione remota terminanda commissa fuisset tandem lis diutius protracta amicabili transactione quievit hoc modo Prescripta ecclesia de Schalingeford recognita est esse capella matricis ecclesie de Stanford et Willelmus clericus qui eandem capellam tempore facte transactionis de concessione dicti Abbatis tenebat ipsam perpetuo tenebit cum omnibus ad eam pertinentibus reddendo annuatim lx s nomine ipsius capelle Iordano persone predicte matricis ecclesie de Stanford vel alio quicumque pro tempore fuerit persona eiusdem ecclesie in duobus terminis videlicet xxx s ad Pascham et alios xxx s in festo sancti Michaelis ita quod ipsa ecclesia nullo tempore amplius ab ipsa capella debeat exigere Residuum autem prescripte capelle ad monasterium Abbend iure perpetuo pertinebit et abbas Abbendon qui pro tempore fuerit defuncto Willelmo clerico vel alio eius successore clericum ad ipsam capellam episcopo presentabit cum conscientia persone de Stanford si forte tunc aliqua fuerit que in nullo presentationem abbatis vel clerici institutionem in capella impedire poterit et clericus ab episcopo per abbatis presentationem ad capellam admissus fidelitatem et securitatem de prescripta pensione fideliter persolvenda persone ecclesie de Stanford prestabit et onera capelle sustinebit Hec transactio huic inde fide fermata est et facta anno Verbi incarnati MCLXXXIIII v idus Octobris Lond apud Sanctum Paulum Salva in omnibus auctoritate diocesis episcopi Hiis t[estibus]