Charter Document - 03360205
| Charter Number: | 03360205 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1172 - 1175 |
| Date type: | Assigned |
| Resource Link(s): |
|
Charter:
Rogerus Wigorn[ensis] episcopus et Hugo decanus ecclesie sancti Pauli Londoniarum omnibus fidelibus filiis sancte matris ecclesie salutem Noverit universitas vestra quod mandatum domini pape Alexandri [tertii] accepimus ut controversiam que vertebatur super ecclesia de Senestan inter canonicos de [Osene]ia illam vendicantes et Radulfum de [Ta]mewrd archidiaconum de Stafford eandem tenentem et Willelmum de Brai eiusdem ecclesie [advoc]atum concordia vel iudicio remota appellatione terminaremus Cumque prefati omnes ad concordiam faciendam convenirent facta est inter eos in presentia nostra compositio talis Radulfus archidiaconus tenebit ecclesiam de Senestan de ecclesia de Osen quamdiu in seculo erit [solido]s nomine canonis de predicta ecclesia [annuatim] predictis canonicis persolvendo Post [decessum e]iusdem Radulfi idem Willelmus de Brai [presentabit cleric]um idoneum abbati de Osen qui [viginti tres solidos] annuatim nomine canonis predictis canonicis de predicta ecclesia de Senest persolvet [Post vero] illius clerici decessum reliqui omnes vi[carii] presentabuntur predicto abbati a Willelmo pre[dicto] vel eius heredibus ita tamen []se honeste habuerit [] predicta ecclesia [] predictos canonicos accipiet et ad sinodalia persolvenda Residuum vero totum canonicis remanebit Preterea ne posteritas de veritate huius conventionis dubitet hanc paginam sigillorum nostrorum impressione communivimus Huius rei testes sunt Thomas archidiaconus Wellensis Iohannes Cumin magister Moyses magister Gilebertus magister Helias Rogerus Iohannes canonici de Kirkeham et plures alii clerici et laici Valete