Charter Document - 03360200
| Charter Number: | 03360200 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1167 - 1179 |
| Date type: | Assigned |
| Resource Link(s): |
|
Charter:
Universis Christi fidelibus ad quos presens scriptum pervenerit Rogerus Dei gratia Wigorniensis episcopus eternam salutem in Domino Cum ad omnes sollicitudini nostre commissos ex suscepto officio bonum operari teneamur specialius quodam modo ad eorum promotionem et provectionem teneri nos credimus qui ex occulto Dei judicio continuis cruciatibus affliguntur et quos arctioris vite propositum et religio immaculata Deo efficit acceptos et in facie omnium commendat acceptos laudabiles Attendentes itaque et diligenter perpendentes honestam conversationem mulierum leprosorum de Bradleia et ministrorum suorum ibidem Deo servientium et curam eorum inspecta carta Manasseri Biset dapiferi Henrici regis Anglie per quam idem Manaserus Biset predictis mulieribus leprosis ecclesiam de Kedeministre tanquam advocatus concessit et nobilis rex Henricus secundus eis carta sua confirmavit ean dem ecclesiam ad petitionem predicti Henrici regis et Manasseri Biset ejus dapiferi sepe dictis mulieribus et earum ministris pietatis intuitu concedimus et presentis scripti patrocinio communimus et confirmamus Statuentes ut ipsam ecclesiam de Kedemenstre et omnibus pertinentiis suis post decessum Roberti persona possidentis in usus suos proprios sine aliqua contradictione salvis consuetudinibus episcopalibus convertant Hiis testibus Simone archidiacono Wigorn magistro Moyse et Silvestro magistro de Leche Ricardo Lumple Ernaldo decano de Sumerford Radulfo filio Stephani Bartholomeo Biset Ricardo Talebot Radulfo de sancto Germano et multis aliis